Главная » Новости » Лента новостей

Яшчэ два вадзіцелі КСУП “Гудагай” перавезлі па тысячы тон збожжа

426

На раніцу 27 ліпеня на Астравеччыне ўбрана 17% ніў, пры гэтым хлебаробы КСУП “Гудагай” працуюць хутчэй за астатніх: у гаспадарцы абмалочана больш за трэць занятых збожжавымі плошчаў.

Новыя героі жніўнага спаборніцтва не прымусілі сябе чакаць: жаданую тысячу тон збожжа на свой рахунак сёння запісалі Іван Печкур і Іосіф Бабіч з КСУП “Гудагай”.

Да слова сказаць, у мінулым годзе першынства сярод вадзіцеляў на жніве было за Іванам Печкурам. У гудагайскай гаспадарцы мужчына працуе нядаўна, але паказвае добры спрыт і імпэт.

На корманарыхтоўцы, якую ў народзе называюць зялёным жнівом, самым спрытным быў Іосіф Бабіч.

З выдатным вынікам прызёраў працоўнага спаборніцтва павіншавалі старшыня райкама прафсаюза работнікаў аграпрамысловага комплексу Юрый Адула і прафсаюзны лідар КСУП “Гудагай” Ганна Налівайка. Прыемным дадаткам для вадзіцеляў сталі грашовыя прэміі.

Па матэрыялах АП

Читайте также: