Працаўнікі сельскай гаспадаркі Астравеччыны атрымалі ўзнагароды на абласным свяце аграрыяў
Напярэдадні Дня работнікаў сельскай гаспадаркі і перапрацоўчай прамысловасці адзначылі лепшых работнікаў аграпрамысловага комплексу Гродзеншчыны, у тым ліку Астравеччыны.
Наш раён на свяце аграрыяў прадстаўляла 10 чалавек на чале са старшынёй райвыканкама Ігарам Шалудзіным і яго першым намеснікам Іванам Карнілам.
Падзяку старшыні Гродзенскага аблвыканкама атрымаў вадзіцель КСУП “Варняны” Віктар Садоўскі. Ганаровую грамату абласнога савета дэпутатаў уручылі галоўнаму інжынеру ўпраўлення сельскай гаспадаркі і харчавання Рэнаце Яфімавай.
Асабістыя і калектыўныя перамогі ў абласных галіновых спаборніцтвах святкавалі прадстаўнікі КСУП “Гудагай”, “Гервяты” і РУП “Астравецкі саўгас “Падольскі”.
Лепшым жывёлагадоўчым комплексам па вытворчасці ялавічыны з пагалоўем не менш за 2 тысячы асобін прызнаны комплекс па дарошчванні і адкорме буйной рагатай жывёлы КСУП “Гервяты” (начальнік Валянціна Мажэйка).
Сярод галоўных ветэрынарных урачоў сельгасарганізацый 2 месца прысудзілі Гражыне Саўко з КСУП “Гервяты”.
Сярод малочна-таварных комплексаў, дзе ўтрымліваецца не менш за 400 галоў, 3 месца заняў МТК “Малі” КСУП “Гудагай” (начальнік Вольга Яцэнка).
Па выніках корманарыхтоўчай кампаніі лепшымі ў вобласці сталі механізатар КСУП “Гудагай” Сяргей Урлік (не ўпершыню!) і вадзіцель Валерый Алёхна РУП “Астравецкі саўгас “Падольскі”.
Прафсаюз работнікаў АПК адзначыў трактарыста-машыніста РУП “Астравецкі саўгас “Падольскі” Леаніда Бараноўскага, а аграсаюз – былога дырэктара сельгастэхнікі Мікалая Харкунова.
Алёна Гануліч
Фота Рэнаты Яфімавай
По материалам газеты "Астравецкая праўда"
