Першымі на Астравеччыне дзве тысячы тон намалацілі Яўген Грабоўскі і Віктар Вашкевіч з КСУП “Гудагай”
Тысяча другая таксама залатая
Другі год запар першымі ў Астравецкім раёне дзве тысячы тон збожжа намалацілі Яўген Грабоўскі і Віктар Вашкевіч з КСУП “Гудагай”. Прычым сёлета хлебаробы гэта зрабілі на паўмесяца раней за летась.
Са знакавай падзеяй хлебаробаў віншавалі першы намеснік старшыні райвыканкама – начальнік упраўлення і харчавання Іван Карніла, яго першы намеснік Вольга Умрыхіна, старшыня райкама прафсаюза работнікаў АПК Юрый Адула і галоўны бухгалтар Марыя Станкевіч, дырэктар КСУП “Гудагай” Эдуард Садоўскі, а таксама калегі па жніве.
– Інтрыгі не атрымалася: ізноў экіпаж у лідарах. І першая, і другая намалочаная тысяча тон – ваша, з чым і віншую, – сказаў Іван Карніла. – Удзячнасць за работу адрасую прысутным тут камбайнерам і ўсіх хлебаробам раёна, якія, выкарыстоўваючы кожны пагодлівы дзень, убіраюць, перавозяць і даводзяць да кандыцыі збожжа.
Віншуем хлебаробаў – так трымаць!
Алена ГАНУЛІЧ, фота аўтара.
