Праверылі ўмовы працы ў КСУП “Войневічы”
У рамках месячніка бяспекі працы, які доўжыцца па 17 красавіка, у арганізацыях аграпрамысловага комплексу раёна падчас правядзення вясновых палявых работ праводзяцца праверкі.
Галоўны спецыяліст аддзела механізацыі ўпраўлення сельскай гаспадаркі і харчавання райвыканкама Аляксандр Камароў, старшыня райкама прафсаюза работнікаў АПК Уладзімір Казак наведалі КСУП “Войневічы”. З мэтай праверкі транспартнай і пажарнай бяспекі ў полі быў абследаваны транспарт на наяўнасць першасных сродкаў пажаратушэння, медыцынскіх аптэчак, сродкаў індывідуальнай абароны, у майстэрнях – парадак правядзення перадрэйсавых аглядаў вадзіцеляў і механізатараў і выпуск транспартных сродкаў у рэйс.
Таксама паглядзелі, як забяспечваюцца гарачым харчаваннем работнікі, якія задзейнічаны на палявых работах, як падрыхтавана сталовая, укамплектавана тэхніка, якая дастаўляе абеды ў поле.
Святлана ГРЫШЫНА
Па матэрыялах газеты "Перамога"
