На Кореличчине наградили победителей областных соревнований на заготовке кормов

28 июля 2024

180

Узнагароды Гродзенскага абласнога камітэта Беларускага прафсаюза рабатнікаў аграпрамысловага комплексу атрымалі лідары корманарыхтоўчай кампаніі Карэліччыны.

Пераможцамі абласных спаборніцтваў на нарыхтоўцы кармоў з траў першага ўкосу сталі трактарыст-машыніст сельскагаспадарчай вытворчасці КУСП “Чарняхоўскі-Агра” Аляксандр Гурскі і яго калега з ДП “Лукі-Агра” Ігар Мардзіловіч. Узнагароды ім уручыла старшыня райкама прафсаюза работнікаў АПК Ірына Пянькоўская.

Аляксандр Уладзіміравіч на прадпрыемстве шчыруе з 2005 года. Да працы падыходзіць з адказнасцю. Прызнаецца, што іначай нельга.

— Ведаю, калі здамся, лягчэй не стане, — кажа мужчына. — Перад намі стаіць задача, якую мы павінны выканаць.

Гэтай жа думкі прытрымліваецца і Ігар Мардзіловіч, якога засталі прама ў полі:

— Летам не да суму. Спачатку ўбіралі травы, цяпер працую памочнікам камбайнера, збіраем каравай-2024. Сёлета, дарэчы, у мяне працоўны юбілей — шчырую на прадпрыемстве 30 гадоў, і кожны год атрымліваецца заваяваць узнагароду.

Падзяку Карэліцкай раённай арганізацыі Беларускага прафсаюза работнікаў АПК атрымаў Таксама вадзіцель КСУП “Царука” Сяргей Вашэсцік:

— Усё жыццё шчырую на радзіме. Тут бацькоўскі куток, да якога прыкіпеў сэрцам. І ажаніўся тут, выгадавалі дзяцей. На радзімай старонцы нават дыхаецца лягчэй.

Сяргей СТОЛЯР