Не першы раз муж з жонкай робяць такім чынам унёсак у харчовую бяспеку краіны. Генадзь 20 гадоў адпрацаваў у КСУП «Гервяты», потым уладкаваўся на БелАЭС, Таццяна ўсё жыццё прысвяціла роднаму прадпрыемству – працуе бухгалтарам. У 2008-2011 гадах іх сямейны падрад таксама выходзіў у поле.
А падчас сёлетняй уборкі Генадзь спецыяльна пайшоў у адпачынак, каб дапамагчы ўбраць збожжа. І задаволены, што быць яго памочнікам згадзілася жонка. На новым камбайне Гудойцевы працуюць усяго некалькі дзён – няхай у іх і гаспадаркі намалот будзе добрым!
