Ад абароны працоўных інтарэсаў да аздараўлення і турызму

Адбылося пасяджэнне савета Дзятлаўскага раённага аб’яднання прафсаюзаў.

З вынікамі дзейнасці раённага аб’яднання прафсаюзаў у 2023 годзе і задачамі на 2024 год прысутных азнаёміў Аляксандр Дубовік, які расказаў, што работа ажыццяўляецца ў адпаведнасці з планам і яна шматгранная. Сярод кірункаў: выкананне Пагаднення з Дзятлаўскім раённым выканаўчым камітэтам; развіццё і ўмацаванне сацыяльнага партнёрства; дасягненне максімальнага ахопу работнікаў арганізацый калектыўна-дагаворным рэгуляваннем працоўных і сацыяльна-эканамічных адносінаў; садзейнічанне галіновым прафсаюзам у стварэнні новых пярвічак, у першую чаргу ў арганізацыях недзяржаўнай формы ўласнасці; маніторынгі праблемных пытанняў у галіне аплаты працы, занятасці, сацыяльных гарантый, цэнаўтварэння, аховы працы.

Раённае аб’яднанне прафсаюзаў прадстаўлена 4 раённымі арганізацыямі і 95 пярвічнымі з 12 галіновых прафсаюзаў, якія аб’ядноўваюць больш за 7,5 тысячы членаў, яшчэ 4 прафсаюзныя групы прадстаўляюць пярвічныя арганізацыі, якія зарэгістраваны за межамі раёна, але тут маюць структурныя падраздзяленні. Агульны ахоп членствам – 98,7 %.

Ва ўпраўленні па працы, занятасці і сацыяльнай абароне райвыканкама летась прайшлі перарэгістрацыю 27 калектыўных дагавораў, у 67 унесены змяненні і дапаўненні, выдадзена 7 рэкамендацый аб прывядзенні ў адпаведнасць. Актыўна вялася работа па рэгуляванні працоўных і сацыяльных пытанняў, увага надавалася стану рынку працы, узроўню і своечасовасці выплаты зарплат. Адбылося 383 наведванні праблемных арганізацый. За студзень-снежань 2023 года намінальная сярэднямесячная заработная плата ў раёне павялічылася на 118,3 % і склала 1504,9 рубля, выплачвалася своечасова. Грамадскай камісіяй па ахове працы, прафілактыцы вытворчага траўматызму і прафесійных захворванняў аказвалася метадычная дапамога прафактывам арганізацый. Праводзіліся маніторынгі тэмпературнага рэжыму, праверка забеспячэння работнікаў спецадзеннем і сродкамі індывідуальнай абароны: накіраваны 19 рэкамендацый на ўхіленне 75 парушэнняў. Штоквартальна праходзілі абласныя Адзіныя дні прафілактыкі вытворчага траўматызму з давядзеннем інфармацыі аб прычынах траўмавання і гібелі. Аднак у раёне зарэгістраваны 3 няшчасныя выпадкі, 2 – са смяротным зыходам.

 Штомесяц праводзіліся маніторынгі цэн па 76 пазіцыях з унясеннем вынікаў у адзіную базу ФПБ.

 Прафсаюзным інспектарам працы правяралася выкананне працоўнага заканадаўства, умоваў калектыўных дагавораў: у 15 арганізацыях выяўлена 28 парушэнняў, выдадзена 11 рэкамендацый. У раённае аб’яднанне прафсаюзаў паступіла 23 вусныя звароты, пераважалі пытанні падаўжэння кантрактаў, прадастаўлення працоўных і сацыяльных водпускаў, дадатковых гарантый па калектыўных дагаворах, працаўладкавання, аздараўлення, аказання матэрыяльнай дапамогі. Праводзіўся штомесячны рэспубліканскі прававы прыём у 10 арганізацыях раёна, звярнулася 16 жыхароў, практычна ўсе праблемы вырашыліся ў пазасудовым парадку.

 У 2023 годзе ў Дзятлаўскім раёне створана 5 новых пярвічак.

Па рашэнні VIII з’езда ФПБ па развіцці ўнутранага экскурсійнага турызму прафарганізацыі раёна актыўна займаліся арганізацыяй паездак і экскурсій. На 2024 год стаіць задача прадоўжыць работу па павышэнні эфектыўнасці аздараўлення і санаторна-курортнага лячэння членаў прафсаюза і іх сем’яў у санаторыях УП “Белпрафсаюзкурорт”.

Надавалася ўвага рабоце з моладдзю па ўключэнні маладых работнікаў у прафсаюзнае жыццё. Саветам раённага аб’яднання сумесна з РК ГА “БРСМ” арганізаваны рад мерапрыемстваў. Не забываў прафсаюзны актыў пра ветэранаў і пенсіянераў. У рамках дабрачыннай акцыі “Прафсаюзы – дзецям” аказвалася дапамога па аздараўленні непаўналетніх, у падрыхтоўцы да школы, правядзенні навагодніх дабрачынных мерапрыемстваў, выдзялялі сродкі на патанненне пуцёвак у летнікі.

Шырока вялася інфармацыйная работа праз раённую газету, сайт аб’яднання прафсаюзаў, сацыяльныя сеткі.

Напрыканцы выступлення Аляксандр Дубовік падзякаваў прафсаюзнаму актыву раёна за плённае супрацоўніцтва і рэалізацыю пастаўленых ФПБ задач.

Аб дзейнасці пярвічкі КСУП "Вайневічы" выступіла казначэй пярвічнай прфсаюзнай арганізаціі Вераніка Яраш. Яна расказала, што зараз прафсаюз «Вайневічы» аб’ядноўвае 224 чалавека, якія жывуць багатым прафсаюзным жыццём.

"Дзейнасці пярвічкі  насычана, цікава, накіравана на згуртаванне калектыва і раскрыццё талентаў. У нашай скарбонцы ўдзел у спартакіядах, спартыўных фестывалях, фотаконкурсах, конкурсах талентаў, брэйн-рынгах, моладзевых форумах, турыстычных слётах" - паведаміла Вераніка Яраш.

Работа Дзятлаўскага раённага аб’яднання прафсаюзаў за мінулы год прызнана здавальняючай, яшчэ разгледжаны пытанні аб унясенні змяненняў у саставы савета Дзятлаўскага раённага аб’яднання прафсаюзаў і прэзідыума, а таксама аб скліканні II справаздачна-выбарчай канферэнцыі раённага аб’яднання прафсаюзаў.

Прыемным момантам стала ўзнагароджанне.  Граматамі і каштоўнымі падарункамі раённага аб’яднання прафсаюзаў адзначаны члены прафсаюза работнікаў АПК –  Наталля Клімовіч (старшыня пярвічная прафсаюзнай арганізацыі ААТ "Дзятлаўская сельгастэхніка") і Вераніка Яраш (казначэй  ярвічная прафсаюзнай арганізацыі КСУП "Вайневічы").

Ірына СТЫРНІК
Фота Вольгі ЮШКЕВІЧ

По материалам газеты "Перамога"