Главная » Новости » Лента новостей

Лепшым звяном на сушцы і дапрацоўцы збожжа прызнаны тандэм Франца Тотчыка і Юрыя Баравіка

291

На зернесушыльным комплексе «ЛідАрай» мужчыны працавалі чацвёрты сезон – і, да слова сказаць, паспяхова. Летась, напрыклад, яны святкавалі перамогу ў спаборніцтве райкама прафсаюза работнікаў АПК. Сёлета Франц і Юрый таксама адны з першых у раёне давялі да патрэбнай кандыцыі 2 тысячы тон збожжа. Астравецкі райкам прафсаюза работнікаў АПК і сёлета адзначыў лепшае звяно.

– Сакрэтаў поспеху няма, – гаворыць Юрый Баравік. – Працавалі старанна, як і ў мінулыя сезоны. Калі не памыляюся, каля 7-мі тысяч тон рапсу і збожжа дасушылі. А яшчэ колькі грэчкі, бабоў, кукурузы!

– Гэта не толькі наша перамога, –  да размовы далучаецца Франц Тотчык. – Але і Анатоля Сасноўскага – ён працаваў у нашым звяне, але потым звольніўся: засталіся з Юрам удваіх. 

Хоць у мужчын розны стаж работы ў гаспадарцы, працаваць разам падчас уборкі ім камфортна. 

– У «Гервятах» я адзін з найстарэйшых работнікаў: працую больш за 30 гадоў. Пачынаў пры Вячаславе Адахоўскім, – працягвае Франц, які працуе ў КСУП «Гервяты» вадзіцелем. – Сёлета ўраджай парадаваў. У наступным годзе, думаю, таксама будзем у пары з Юрам сушыць збожжа. 

Дарога Юрыя Баравіка ў сельскую гаспадарку пачалася са жніва. Летам 2014-га юнак уладкаваўся ў СВК «Гервяты» памочнікам камбайнера – і ўцягнуўся: адчуў водар жніва, спазнаў смак камбайнерскага хлеба. З перапынкам на службу ў арміі малады чалавек працуе ў КСУПе электрагазазваршчыкам.

Па матэрыялах «Астравецкай праўды»

Наши контакты

Наш адрес

230029, г. Гродно, ул. Коммунальная, 32

8 (0152) 62-50-11

obkom.apk.grodno@mail.ru

Время работы

Пн-Чт: 8.00 - 17.00

Пт: 8.00 - 15.45

Сб-Вс: выходной